پلاتفۆرمی جیهانی نێتفلێکس ڕایگەیاند کە مافی بەرهەمهێنان و پەخشکردنی فیلمی ئاکشن و هەستبزوێنی “Don’t Look Up”ی کڕیوەتەوە. ئەم فیلمە لە پاڵەوانێتی ئەستێرەی ناودار “فیبی داینفۆر”ە و لە دەرهێنانی “تۆمی وێرکۆلا”یە.
پێشتر کۆمپانیای سۆنی بڕیاربوو فیلمەکە لە سینەماکان نمایش بکات، بەڵام دوای کشانەوەی سۆنی، نێتفلێکس پڕۆژەکەی لە ئەستۆ گرت. جگە لە داینفۆر، هەریەکە لە “ویتنی بێک” و “دجیمۆن هونسۆ” ڕۆڵی تێدا دەبینن.
ئادەم مەکای، بەرهەمهێنەری فیلمەکە، خۆشحاڵی خۆی دەربڕی بۆ گەڕانەوەی هاوکارییەکانیان لەگەڵ نێتفلێکس و ئاماژەی بەوە کرد کە ئەزموونی پێشوویان لەگەڵ ئەم پلاتفۆرمەدا سەرکەوتوو بووە.
بڕیارە ئەم فیلمە لە ساڵی ٢٠٢٦دا وەک ڕووداوێکی سینەمایی گەورە لەسەر پلاتفۆرمەکە نمایش بکرێت. چیرۆکی فیلمەکە تا ئێستا بە نهێنی هێڵدراوەتەوە، بەڵام گۆڕینی ناوەکەی و گواستنەوەی بۆ نێتفلێکس سەرنجی میدیاکانی بۆ خۆی ڕاکێشاوە.