لە ڕۆژانی ڕابردوودا دەنگۆی ئەوە بڵاوبووەوە کە ئەستێرەی جیهانی تایلۆر سویفت لە ئاهەنگی خەڵاتەکانی گرامیدا نمایشێکی گەورە پێشکەش دەکات، ئەمەش هەوادارانی تووشی جۆش و خرۆشێکی زۆر کرد، بەڵام دەرکەوت کە ئەم هەواڵانە هیچ بنەمایەکی ڕاستیان نییە.
بێن وینستن، بەرهەمهێنەری ئاهەنگی گرامی، بە فەرمی ڕایگەیاند، تایلۆر سویفت لە لیستی بەشداربووان و نمایشکارانی ئەمساڵدا نییە.
وینستن ئاماژەی بەوە کرد، ئەم دەنگۆیە تەنیا لەلایەن ماڵپەڕی “HITS”ـەوە دروستکراوە و هیچ ڕاستییەکی تێدا نییە.
تایلۆر سویفت کە خاوەنی ١٤ خەڵاتی گرامییە، لە ساڵی ٢٠٢١ەوە هیچ نمایشێکی لەسەر شانۆی گرامی نەکردووە، هەروەها ئەمساڵ بۆ هیچ خەڵاتێکیش کاندید نەکراوە.