فیلمی “One Battle After Another” (جەنگێک لە دوای جەنگێکی تر) توانی لە وەرزی خەڵاتەکانی ساڵی 2026دا دەستکەوتێکی گەورە بەدەست بهێنێت، ئەمەش دوای ئەوەی لە مەراسیمی کۆمەڵەی دەرهێنەرانی سینەما (DGA) خەڵات کرا.
پۆڵ تۆماس ئەندەرسۆن، دەرهێنەری فیلمەکە، خەڵاتی باشترین دەرهێنانی وەرگرت بۆ ئەم بەرهەمە کە لیۆناردۆ دی کاپریۆ ڕۆڵی سەرەکی تێدا دەگێڕێت. ئەم رێوڕەسمە ساڵانەیە کە 78ـەمین خولی بوو، لە شاری بێڤەرلی هیڵز بەڕێوەچوو و لەلایەن کۆمیدیانی ناودار کومەیل نانجیانی پێشکەش کرا.
بەدەستهێنانی ئەم خەڵاتە بە ئاماژەیەکی بەهێز بۆ پێشبینیکردنی براوەی خەڵاتی ئۆسکار دادەنرێت، چونکە مێژووی خەڵاتەکانی DGA هەمیشە هاوتەریب بووە لەگەڵ ئەنجامەکانی ئۆسکار.
ئەندەرسۆن لە کاتی وەرگرتنی خەڵاتەکەدا، یادی ئادەم سەمەنەری یاریدەدەری دەرهێنەری کۆچکردووی کردەوە کە لە ساڵی ٢٠٢٤ کۆچی دوایی کردبوو.
لە رێوڕەسمەکەدا ئەستێرەکانی وەک تیمۆسی شالامێ، ستیڤن سپێڵبێرگ و مایکڵ بی جۆردن ئامادە بوون بۆ ڕێزلێنان لە دەرهێنەرە سەرکەوتووەکان.
ئەم فیلمە باس لە ململانێیەکی قووڵ دەکات و بەهۆی کوالێتی بەرز و دەرهێنانە سەرنجڕاکێشەکەیەوە، چاوەڕوان دەکرێت لە ئۆسکاری ئەمساڵیشدا پشکی شێری بەربکەوێت.