تیپی هونەرە میللییەكانی هەولێر سەر بە بەڕێوەبەرایەتی گشتی رۆشنبیری و هونەری هەولێر، بە سەرپەرشتیی هیمداد لەشكری، بەڕێوەبەری هونەرە میللییەكان لە یەكەم رۆژی فێستیڤاڵی كولتووریی گەلان لە وڵاتی چیك بەشداربوو.
چالاکییەکە لە شاری ئۆهێرسكی برۆد بەرێوەچوو و گرووپە کوردییەکە بە هەردوو تابلۆی “كوێستان و لۆركێ” بەشدار بوو.
دواتر لەلایەن سەرۆكی شارەوانی ئۆهێرسكی برۆد و سەرۆكی فێستیڤاڵ داوەت كران و لای خۆشیانەوە هونەرە میللییەكانی هەولێر دیارییان پێشكەش كردن.
بڕیارە ئەمڕۆ لە دووەم رۆژی فێستیڤاڵەكە لە شاری بەرنۆ نمایشەكان پێشكەش بكرین و تیپی هونەرە میللییەكانی هەولێریش بەرهەمە كولتوورییەكانی خۆی نمایش بكات.
هەواڵی پێشوو