رۆژی هەینی، جەعفەر جەوهەر، نوێنەری وەزارەتی ڕۆشنبیری و لاوانی حکومەتی هەرێمی کوردستان، لە چوارچێوەی بەڕێوەچوونی چالاکییەکانی 39یەمین فێستیڤاڵی نێودەوڵەتی سوراجکوندی، دیاری وەزارەتی پێشکەش بە بەرپرسانی باڵای هاریانا کرد.
لە ڕێوڕەسمێکدا، نوێنەری وەزارەت، دیاری وەزارەتی ڕۆشنبیری و لاوانی پێشکەش بە نایاب سینگ ساینی، جێگری سەرۆک وەزیرانی حکومەتی خۆجێی هاریانا و ئاڤیند کۆمار شارما، وەزیری گەشتوگوزار و کولتووری هاریانا کرد.
39یەمین فێستیڤاڵی نێودەوڵەتی سوراجکوندی مێلای فەریدئاباد- هاریانە لە هیندستان، لە سەرەتای ئەم مانگەوە بە بەشداری تیپی هونەرە میللییەکانی دهۆک و دەیان تیپی هونەری وڵاتانی جیاجیا دەستی پێکرد و بڕیارە تا 15ی ئەم مانگە بەردەوام بێت.