مایلی سایروس جارێکی تر کڵاوە شینە بەناوبانگەکەی “هانا مۆنتانا” دەپۆشێتەوە. بەبۆنەی تێپەڕبوونی 20 ساڵ بەسەر دەستپێکردنی زنجیرە ناسراوەکەی دیزنی، سایروس لە کارێکی تایبەتدا دەگەڕێتەوە بۆ ناو ستۆدیۆ و دیمەنە کۆنەکانی ئەو درامایەی کە ناوبانگێکی جیهانی پێ بەخشی.
لە تریلەری کارە نوێیەکەدا، سایروس لەگەڵ باوکی و دایکی دەردەکەوێت و باس لەوە دەکات کە ئەم زنجیرەیە بەشێکی دانەبڕاوە لە ژیانی و ناسنامەی ئەو.
سایروس ڕایگەیاند، ئەم یادە سوپاسگوزارییەکە بۆ هەوادارانی کە لە ساڵی 2006ـەوە لەگەڵیدان.
ئەم بەرنامە تایبەتە لە 24ـی ئازار لەسەر پلاتفۆرمی Disney+ نمایش دەکرێت، تێیدا چاوپێکەوتنی تایبەت و دیمەنی ئەرشیفی بڵاونەکراوە پیشان دەدرێن.