هالی بێری، خانمە ئەکتەری براوەی ئۆسکار، هۆکاری دوورکەوتنەوەی لە چاوپێکەوتنە میدیاییەکان بۆ ماوەی 10 ساڵ ئاشکرا کرد.
بێری ئاماژەی بەوە کرد، میدیاکان تەنها سەرنجیان لەسەر ژیانی تایبەتی و جیابوونەوەکانی بووە، نەک دەستکەوتە پیشەییەکانی. ئەو گوتی: “دوای سێیەم جیابوونەوەم، خەڵک دەیانوت ئەمە شێتە و ناتوانێت پیاو ڕابگرێت”.
ئەم وێناکردنە وای لێکرد بۆ ماوەی 10 ساڵ بێدەنگی هەڵبژێرێت، بەڵام ئێستا بێری گەڕاوەتەوە و بە ئاشکرا باسی سەرکەوتنەکانی دەکات.
بێری جەختی کردەوە، ئەو قوربانی نییە و چیتر ڕێگا نادات میدیاکان چیرۆکی هەڵە لەسەر ژیانی بڵاو بکەنەوە. ئێستا بێری ئامادەکاری دەکات بۆ بەشداریکردن لە چەندین فیلمی نوێی وەک “Crime 101” لەگەڵ کریس هێمسوۆرس و فیلمی “Maude v Maude” لەگەڵ ئەنجێلینا جولی.