فیلمی سینەمایی “Weapons” لە بەرهەمهێنانی کۆمپانیای وارنەڕ برۆس، توانیویەتی لە سینەماکانی جیهاندا سەرکەوتنێکی گەورە بەدەستبهێنێت و کۆی داهاتی بگاتە 255 ملیۆن دۆلاری ئەمریکی.
داهاتی فیلمەکە دابەشبووە بەسەر 144 ملیۆن دۆلار لە بۆکس ئۆفیسی ئەمریکا و 110 ملیۆن دۆلار لە بازاڕەکانی دەرەوەی ئەمریکا.
فیلمی “Weapons” لە پاڵەوانێتیی جۆش بڕۆلین، جولیا گارنەر، سکارلێت شێر، کاری کریستۆفەر و چەندین ئەکتەری دیکەیە.
چیرۆکی فیلمەکە لە شارۆچکەیەکی ئارامی ئەمریکادا روودەدات، کاتێک هەمووان تووشی شۆک دەبن بەهۆی دیارنەمانی هەموو ئەندامانی پۆلێکی قوتابخانە، جگە لە یەک منداڵ. دانیشتووانی شارۆچکەکە دەبێت رووبەڕووی ترس و دڵەڕاوکێ ببنەوە بۆ ئاشکراکردنی راستییەکانی پشت ئەم رووداوە ترسناکە.