ئەکتەری گەنج پاپا ئیسیدۆ، کە هەڵبژێردراوە بۆ ڕۆڵی “سیڤیریس سنەیپ” لە زنجیرە درامای نوێی “Harry Potter”، ئەزموونێکی سەخت و شوکێنەری خۆی ئاشکرا کرد.
ئیسیدۆ ڕایگەیاند، دوای ڕاگەیاندنی ناوی بۆ ئەم ڕۆڵە، ڕووبەڕووی شەپۆلێکی توندی ڕەگەزپەرستی و هەڕەشەی کوشتن بووەتەوە لە ڕێگەی ئینتەرنێتەوە.
هەندێک لە نامەکان داوایان لێکردووە دەست لەکار بکێشێتەوە، دەنا دەیکوژن.
سەرەڕای ئەم فشارانە، ئیسیدۆ جەختی کردەوە، ئەم هێرشانە بوونەتە هاندەر بۆی و پەیوەندی بە جیهانی هاری پۆتەرەوە بەهێزتر کردووە.
زنجیرە نوێیەکە کە بڕیارە لە 2027 پەخش بکرێت، پڕۆژەیەکی دە ساڵەیە و کاستێکی تەواو جیاواز لە خۆ دەگرێت، وەک دۆمینیک ماکلۆلین لە ڕۆڵی هاری و ئارابیلا ستانتۆن لە ڕۆڵی هێرمایۆنی.
ئیسیدۆ دەڵێت، هەرچەندە فیلمە ڕەسەنەکانی نەبینیوە، بەڵام خوێنەرێکی سەرسەختی کتێبەکانی جەی کەی ڕۆلینگە و ئامادەیە بۆ ئەم گۆڕانکارییە گەورەیە لە ژیانیدا.