زنجیرە درامای ڕۆمانسی و مێژوویی چینی “Pursuit of Jade” یان “گەڕان بەدوای یەشم” توانی سەرکەوتنێکی بێوێنە لەسەر ئاستی جیهان تۆمار بکات.
ئەم بەرهەمە بووە یەکەم درامای چینی کە بە شێوەیەکی هەفتانە بچێتە ناو لیستی 10 باشترین زنجیرە بیانییەکانی پلاتفۆرمی نێتفلێکس.
چیرۆکی دراماکە باس لە کچێک دەکات بە ناوی “فان تشانغ یو” و پیاوێکی خانەدان، کە هاوسەرگیرییەکی ڕواڵەتی دەکەن و دواتر دەگۆڕێت بۆ خۆشەویستییەکی ڕاستەقینە لە کاتی شەڕدا.
ئەم سەرکەوتنە تەنیا لە نێتفلێکس نییە، بەڵکو لە پلاتفۆرمە ناوخۆییەکانی چین وەک Tencent Video و iQIYI بەردەوام لە پلەی یەکەمدایە.
زنجیرەکە لە دەرهێنانی “زینگ چینگ جی”یە و کۆمەڵێک ئەکتەری بەناوبانگ تێیدا بەشدارن.
ئەم درامایە بەردەوام ئاستی بەرزی هونەری درامای چین نیشان دەدات و توانیویەتی بینەرێکی زۆر لە دەرەوەی چین بۆ لای خۆی ڕابکێشێت.