تا ئێستا نادیاری و بێدەنگییەکی زۆر دەربارەی شوێن و چالاکییە هونەرییەکانی خانمە هونەرمەند فەیرووز هەیە.
نەقیبی مۆسیقاژەنانی لوبنان لە لێدوانێکی ڕۆژنامەوانیدا ئاماژەی بەوە کرد، سەندیکاکە هیچ زانیارییەکی نوێی لەسەر فەیرووز نییە و نازانرێت ئایا کارێکی نوێی دەبێت یان نا.
نەقیب ڕوونی کردەوە، قسەکردن لەسەر وازهێنانی یەکجارەکی فەیرووز ڕاست نییە، بەڵام دۆخی ئێستای لوبنان وای کردووە زۆرینەی هونەرمەندان بەردەوام لە چاوەکان دوور بکەونەوە.
فەیرووز لەم ماوەیەی دواییدا تەنیا سەرقاڵی چاودێریکردنی کوڕەکەی بوو کە بەم دواییانە کۆچی دوایی کرد، ئەمەش بووە هۆی ئەوەی زیاتر لە جاران گۆشەگیر بێت.
نزیکەکانی فەیرووز دەڵێن، ئەو ئێستا پێباشە تەنیا لەناو بازنەیەکی خێزانی تەسکدا لەگەڵ کچەکەی ریما ڕەحبانی بژیت و هیچ ئاماژەیەک بۆ گەڕانەوەی بۆ سەر تەختەی شانۆ نییە.
فەیرووز وەک هێمایەکی گەورەی هونەری لوبنان دەمێنێتەوە و جەماوەرەکەی بەردەوام چاوەڕێی هەواڵێکی دڵخۆشکەرن.