کۆمپانیای سۆنی پیکچەرز دەستپێکردنی پڕۆژەی بەرهەمهێنانی فیلمێکی ئەنیمەیشنی ڕاگەیاند، ئەم پڕۆژەیە لە یاریی ڤیدیۆیی بەناوبانگی “Bloodborne“ وەرگیراوە و تەنیا بۆ تەمەنی سەروو 18 ساڵ دەبێت.
لە کۆنفرانسی سینەماکۆن 2026، سانفۆرد بانیچ، سەرۆکی گرووپی سۆنی پیکچەرز، ئاماژەی بەوە کرد، فیلمەکە بەردەوام پارێزگاری لە کەشوهەوا تاریک و توندوتیژەکەی یارییەکە دەکات.
ئەم فیلمە بە هاوکاری لەگەڵ یوتیوبەری ناسراو جاکسپتیک ئای بەرهەم دەهێنرێت کە خاوەنی 48 ملیۆن فۆڵۆوەرە و شارەزاییەکی زۆری لە دنیای ئەم یارییەدا هەیە.
کۆمپانیاکانی “Lyrical Media“ و “PlayStation Productions“ بەشدارن لە دابینکردنی بودجەی فیلمەکە.
یاریی “Bloodborne ” لە 2015 بە شێوەیەکی تایبەت بۆ پلەی ستەیشن دەرچوو و بەهۆی چیرۆکە قووڵەکەیەوە تا ئێستا بەردەوام داواکاری زۆری بۆ دروستکردنی بەشی دووەمی هەیە. سۆنی دەیەوێت لە ڕێگەی ئەم فیلمەوە سەرکەوتنە گەورەکانی وەرگێڕانی یارییە ڤیدیۆییەکان بۆ سەر شاشەی سینەما دووبارە بکاتەوە.