ئەستێرەی جیهانی سێلین دیۆن خاوەنی کۆشکێکی ناوازەیە لە یەکێک لە ناوچە هەرە دەوڵەمەندەکانی پاریسی پایتەختی فەڕەنسا. گۆڤاری “پیوربیول” ئاماژەی بەوە کرد، ئەم خانووە تەنیا شوێنی نیشتەجێبوون نییە، بەڵکو شاھکارێکی تەلارسازییە و دەکەوێتە ناوچەی “ڤێلا مۆتمۆرنسی” لە گەڕەکی 16.
سێلین دیۆن لە ساڵی 2008 لەگەڵ هاوسەرە کۆچکردووەکەی ئەم کۆشکەی کڕیوە، بەڵام دوای کۆچی دوایی ئەو، بڕیاری دا بیفرۆشێت.
ڕووبەری کۆشکەکە 632 مەتر دووجایە و لە 5 نهۆم پێکدێت، 5 سویت و هۆڵی وەرزشی و مەلەوانگەی تێدایە.
نرخەکەی لە کاتی کڕین 9 ملیۆن یۆرۆ بووە، بەڵام ئێستا بە نزیکەی 14.9 ملیۆن یۆرۆ دەفرۆشرێت.
ئەم شوێنە بەردەوام سەرنجی کەسایەتییە ناودارەکانی دیکەی ڕاکێشاوە و مێژوویەکی دەوڵەمەندی لەگەڵ کەسایەتییە جیهانییەکان هەیە، چونکە ئارامی و تایبەتمەندییەکی زۆر بە دانیشتووانەکەی دەبەخشێت.