رۆژی دووشەممە، لە نێو کەشێکی هونەری و بە ئامادەبوونی ژمارەیەک لە لێپرسراوانی حکومی، حزبی و پسپۆڕانی بواری ئەکادیمی، پیشانگەیەکی تایبەت بۆ هونەرمەندی شێوەکار شەماڵ سەعدوڵڵا لەژێر ناونیشانی “بیم” لە گەلەری جیهان لە شاری هەولێر کرایەوە.
شەماڵ سەعدوڵڵا لە پیشانگەکەدا کۆمەڵێک تابلۆی نمایش کردبوو کە گوزارشتیان لە نوێترین ئەزموونی هونەریی ئەو دەکرد. تابلۆکان بەهۆی شێواز و تەکنیکە بەکارهاتووەکانەوە سەرنجی ئامادەبووانیان ڕاکێشا.
ئامادەبووان و بەرپرسانی بواری ڕۆشنبیری، وێڕای بەسەرکردنەوەی بەشەکانی پیشانگاکە، دەستخۆشییان لە هونەرمەند کرد بۆ ئەو هەوڵە بەردەوامانەی لەپێناو دەوڵەمەندکردنی رەوتی هونەری شێوەکاری لە هەرێمی کوردستان دەیدات و هیوای بەردەوامی و کاری جیاوازتریان بۆ خواست.