ڕاپۆرتە میدیاییە نێودەوڵەتییەکان تیشک دەخەنە سەر دواین گۆڕانکارییەکانی ژیانی پیشەیی و تایبەتی ڕاپەری بەناوبانگی کەنەدی، درەیک کە بە یەکێک لە کاریگەرترین و پڕداهاتترین ناوەکانی مێژووی موزیکی هیپ هۆپ دادەنرێت. درەیک کە هەمیشە لە تڕێند و ململانێ هونەرییەکان دایە، لەم قۆناغەدا ڕووبەڕووی چەندین گۆڕانکاری گەورە بووەتەوە.
درەیک تەنیا وەک گۆرانیبێژێک سەیر ناکرێت، بەڵکو وەک ئیمپراتۆریەتێکی دارایی لە جیهانی موزیکدا ناسراوە. بەپێی ئامارە فەرمییەکان، ئەو خاوەنی چەندین ژمارەی پێوانەیییە لە سەکۆکانی “سپۆتیفای” و “ئەپڵ میوزیک” و کۆنسێرتە جیهانییەکانی هەمیشە لە ماوەی چەند خولەکێکدا بلیتیان نامێنێت.
لە ڕووی هونەرییەوە، ناوی درەیک لەم دواییانەدا بەستراوەتەوە بە یەکێک لە گەورەترین و توندترین شەڕە ڕاپەکانی مێژووی هاوچەرخ لەگەڵ ڕاپەری ئەمریکی کێندریک لامار کە چەندین گۆرانی هێرشبەری یەک لە دوای یەکی لێکەوتەوە.
جگە لە موزیک، درەیک بە خولیای بۆ گرەوکردنی وەرزشی گەورە و کڕینی کەلوپەلی لوکس وەک ئۆتۆمبێلی تایبەت ناسراوە.
هەروەها براندی جلوبەرگی تایبەتی خۆی بە ناوی “OVO” هەیە کە سەرکەوتنێکی بازرگانی گەورەی بەدەستهێناوە و پێگەی ئەو وەک بازرگانێکی سەرکەوتوو بەهێزتر دەکات.