هونەرمەندی عێراقی کازم ساھیر، ورەی جەماوەرەکەی بەرز کردەوە دوای ئەوەی وردەکاری نوێی لەبارەی ئەلبوومە عێراقییە چاوەڕوانکراوەکەی بڵاو کردەوە.
ئەمە لە ڕێگەی گرتەیەکی ڤیدیۆیی بوو لە هەژمارە فەرمییەکانی لە سۆشیاڵ میدیا. ئەلبوومەکە بووەتە باسی گەرمی هەوادارانی کە بەردەوام چاوەڕێی گەڕانەوەی ئەو هونەرمەندەن بە کارە عێراقییەکان کە مۆرکێکی تایبەتیان هەیە.
کازم ساھیر بە گۆرانییەکی نوێ بە ناوی “إلا أجيبك” هەوادارانی تینووتر کردووە، کە پەیامی مرۆیی و سۆزداری قووڵی تێدایە.
ڕیکلامەکە چەندین پرسیاری لەبارەی مانا قووڵەکانی خۆشەویستی و قوربانیدان وروژاندووە. ڤیدیۆکە بە پەیامێکی کاریگەر کۆتایی دێت و جەخت دەکاتەوە، خۆشەویستی بەردەوام وەک قووڵترین پەیوەندی نێوان مرۆڤەکان دەمێنێتەوە.
کازم ساھیر ئاماژەی بۆ ئەوە کرد، ئەم پڕۆژە هونەرییە بە هاوکاری کۆمەڵێک شاعیری عێراقی ئەنجام دراوە. ئێستا هەمووان چاوەڕێی دیاریکردنی وادەی بڵاوکردنەوەی ئەلبوومەکە دەکەن، تێیدا ڕەسەنایەتی و نوێکاری تێکەڵ کراوە بۆ ئەوەی لەگەڵ ویستی نەوەی نوێ و ڕەسەنایەتی گۆرانی عێراقی بگونجێت.