بازاڕی کاغەزە داراییەکانی عێراق لەبارەی مامەڵەکردن بە دراوە دیجیتاڵییەکان هۆشداریی دەداتە هاووڵاتیانی عێراق.
بازاڕی کاغەزە داراییەکان لە راگەیەنراوێکدا ئاماژە بەوە دەکات؛ نزیکەی نۆ هەزار جۆر دراوی دیجیتاڵی لە جیهاندا هەن و ئەو دراوانە گریمانەیین و لەلایەن کەسە ئاساییەکانەوە دروست کراون و بانکەکان پشتیوانییان ناکەن.
لە راگەیەنراوەکەدا هاتووە؛ ئەو شیوازەی مامەڵەکردنە کە دراوە دیجیتاڵییەکان پشتی پێدەبەستن، زۆر مەترسیدارە و بۆ پارێزراوی سەرمایەی وەگەڕخراو لەو بوارەدا هیچ گرەنتییەک نییە.
جەختیش دەکاتەوە؛ عێراق پشتیوانیی ئەو دراوە دیجیتاڵییانە ناکات و رەتیدەکاتەوە مامەڵەکانی پەسەند بکات.
هەواڵی پێشوو