روانگەی “ئیکۆ عێراق” قەبارەی کورتهێنانی دارایی بۆ نۆ مانگی یەکەمی ئەمساڵ ئاشکرا کرد، کە گەیشتووەتە 17 تریلیۆن و 686 ملیار دینار، داوای کردووە کە پێویستە خەرجییە ناپەیوەندیدارەکان بە مووچەوە کەم بکرێنەوە، بەتایبەتی خەرجییە وەبەرهێنانەکان و کڕینی کاڵا و خزمەتگوزارییەکان.
لە بەیاننامەیەکی روانگەی ئیکۆ عێراق رایگەیاند: کۆی گشتی خەرجییەکانی دەوڵەت تا کۆتایی مانگی ئەیلول گەیشتووەتە 108 تریلیۆن و 854 ملیار دینار. کۆی داهاتەکانی نەوتی و نانەوتی بریتی بووە لە 91 تریلیۆن و 168 ملیار دینار. بەو پێیە، کورتهێنانی راستەقینە تا کۆتایی مانگی نۆیەم گەیشتووەتە 17 تریلیۆن و 686 ملیار دینار.
ئیکۆ عێراق روونی کردەوە: “ئەم کورتهێنانە مانگ لە دوای مانگ بەرز دەبێتەوە، بەبێ بوونی چارەسەری راستەقینە بۆ کەمکردنەوەی یان زیادکردنی سەرچاوەکانی داهات.
روانگەی ئیکۆ عێراق ئاماژەی بە پێویستی کەمکردنەوەی خەرجییەکان کرد، بەتایبەتی: خەرجییە وەبەرهێنانەکان کە گەیشتووەتە سەرووی 14 تریلیۆن دینار. کڕینی کاڵا و خزمەتگوزارییە ناپێویستەکان و داوا دەکات سنووردار بکرێت.
لە هەمان کاتدا جەختی لە پێویستی زیادکردنی داهاتەکان کردەوە، لەوانە: زیادکردنی باج لەسەر کاڵا و شمەکە هاوردەکراوەکان کە خۆراکی نین. سەپاندنی رسووماتی زیاتر لەسەر گەشتیاران و بیانییەکانی بە مەبەستی کارکردن دێنە وڵات.