بەڕێوەبەری گشتیی بازرگانیی حكوومەتی هەرێمی كوردستان ڕایگەیاند، کە دابەشكردنی بەشەئاردی دەیەم دەستی پێكرد و گەنم نێردراوە بۆ ئاشەکان، گەنمەكەش بەرهەمی گەنمی هەرێمی كوردستانە و خۆماڵییە.
نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی، بە ئاژانسی هەواڵی زاگرۆسی ڕاگەیاند: دابەشكردنی بەشەئاردی دەیەم دەستی پێكرد و گەنم نێردراوە بۆ ئاشەکان، گەنمەكەش بەرهەمی گەنمی هەرێمی كوردستانە و خۆماڵییە.
بەڕێوەبەری گشتیی بازرگانی لە وەزارەتی بازرگانی و پیشەسازی گووتی: لیستی بریكارەكانی ئارد دابەشكراوە و ئارد دەگاتە لای بریكارەكان و دابەشی سەر هاووڵاتییان دەكرێت، لەبەشەخۆراكی مانگانەدا بۆ هەر كەسێك نۆ كیلۆ ئارد دەدرێت.
هەروەها نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی ئەوەشی بۆ ئاژانسی هەواڵی زاگرۆس خستەروو، کە ئەو بەشەئاردانەی ئەمساڵ دابەش كراون، پشکنینیان بۆ کراوە و تاقی کراونەتەوە و نانێکی جوانیان لێ دروست دهكرێت، بۆیه دڵنیایی دهدهین ئاردێک باش نەبێت دابەش ناکرێت،
بەگشتی، هەرێمی كوردستان بۆ بەشەخۆراكی مانگانە، ساڵانە پێویستی بە نزیكەی 650 هەزار تۆن ئارد دەبێ.
رێباز یونس