وەزیرانی وزەی وڵاتانی کۆمەڵەی حەوت لە کۆبوونەوەیەکی بەپەلەدا لە پاریس، ئامادەیی خۆیان بۆ بەکارهێنانی یەدەگی ستراتیژیی نەوت نیشان دا. ئەم بڕیارە بۆ ڕووبەڕووبوونەوەی ناسەقامگیریی بازاڕ و بەرزبوونەوەی نرخەکانە کە بەهۆی شەڕی ڕۆژهەڵاتی ناوەڕاستەوە دروست بووە. هاوکات ڕۆژنامەی (وۆڵ ستریت جۆرناڵ) بڵاوی کردەوە، ئاژانسی نێودەوڵەتیی وزە پێشنیاری گەورەترین پڕۆسەی دەرهێنانی نەوتی لە مێژوودا کردووە، تا ڕێگری لە پەککەوتنی ئابووریی جیهانی بگرێت.