نرخی زێر لە بازاڕەکانی جیهان و هەرێم بەرزبوونەوەی بەرچاوی بەخۆیەوە بینی، بەڵام دوای کەمبوونەوەی مەترسییەکانی رۆژهەڵاتی ناوەراست لە ماوەی ٢٤ کاتژمێردا نرخی زێر پێنج بۆ نۆ هەزار دیناری دیکە دابەزینی بەخۆیەوە بینیوە.
ئەمڕۆ چوارشەممە، بە گوێرەی پێنوێنی جیهانی ئاڵتوون وبازاڕی ئاسیا نرخی گرامێک لە زێر بە ٧٣ دۆلار و ٤٣ سەنت مامەڵەی پێوەدەکرێت و نرخی کیلۆگرامێکیش بە ٧٣ هەزار و ٤٣٤ دۆلار مامەڵەی پێوەدەکرێت.
هاوکات لە بازاڕەکانی هەرێمدا، بەراورد بە چەند رۆژی رابردوو، نرخی زێڕ گۆڕانکاری بەسەردا هاتووە و هەر مسقاڵێک شەش بۆ ١٠ هەزار دینار دابەزیوە و بە تێکڕاش لەماوە سێ رۆژی ئەم هەفتەیەدا نرخی زێر ٢٢ هەزار دینار دابەزینی بەخۆیەوە بینیوە.