گۆڤاری “Health”ی تەندروستی بڵاوی کردووەتەوە، بەکارهێنانی هەندێک تەواوکەری خۆراکی (بەپێی بەڵگە زانستییەکان) یارمەتی پاراستنی تەندروستیی دڵ، مێشک، ئێسک و ماسوولکەکان دەدات و ڕێگری لە هەوکردن دەکات لە تەمەنی بەساڵاچووندا، بەمەرجێک بە ڕێنمایی پزیشک بەکاربهێنرێن.
گرنگترین ئەو تەواوکەرە خۆراکییانەی شارەزایانی پزیشکی ئاماژەیان پێ داوە برێتین لە:
• ئۆمیگا 3: توانای بیرەوەری باشتر دەکات و لەگەڵ ڤیتامین D و وەرزشدا، پرۆسەی پیربوونی بایۆلۆجی خاو دەکاتەوە و مەترسیی نەخۆشییەکانی دڵ کەم دەکاتەوە.
• ڤیتامینەکانی B بەتایبەت B12 : جۆری جیاواز دەگرێتەوە کە یارمەتی میتابۆلیزم، بڕی وزە و سیستەمی بەرگری دەدەن. کەمبوونیان لە تەمەنی پیریدا مەترسیی جەڵتە و نەخۆشییەکانی دڵ زیاد دەکات.
• مەگنیزیۆم: بەسوودە بۆ بەهێزکردنی جەستەی پێگەیشتووان و تێکچوونی ئاستەکەی لە ڕێگەی پشکنینی خوێنەوە دیاری دەکرێت.
• کۆئەنزیمی: دژەئۆکسیدانێکە لە جەستەدا هەیە و لەگەڵ تەمەندا کەمی دەکات؛ یارمەتی بەرهەمهێنانی وزە لە مێشک، دڵ و ماسوولکەکاندا دەدات.
• کریاتین: یارمەتی پاراستنی بارستەی ماسوولکەکان دەدات لە تەمەنی پیریدا و ڕێگری لە لاوازبوونی جومگەکان و تێکچوونی بیرەوەری دەکات.
• کورکومین (ماددەی چالاکی زەردەچەوە): هەوکردنەکانی جەستە کەم دەکاتەوە، ئازاری جومگەکان و ئەژنۆ کەمدەکاتەوە و پارێزگاری لە ژیریی مێشک دەکات.