ساوەر یەکێکە لەو خواردنانەی لە وڵاتانی ڕۆژهەڵاتی ناوەڕاست زۆر بەکاردەهێنرێت، دوورکەوتنەوە لە برنج و خواردنی ساوەر سوودێکی زۆر بە جەستە دەگەیەنێت.
ساوەر بەجێگرەوەیەکی سەرەکی برنج دادەنرێت بەچەندین جۆری جیاواز هاوشێوەی برنج، شۆربا، کفتە و کوبە دروستدەکرێت و لە بەشێکی زۆری زەڵاتەکانیشدا بەکاردەهێنرێت، دوورکەوتنەوە لە برنج و خواردنی ساوەر ئەم کاریگەرییانەی لەسەر جەستە دەبێت:
-دەوڵەمەندە بە ڤیتامین، پڕۆتین و کانزاکان سوودێکی زۆری بۆ جەستە هەیە.
-بەرگری جەستە بەهێزدەکات و ڕێگری توشبوون بە نەخۆشیەکان دەکات.
-ڕێگری توشبوون بە شەکرە و شێرپەنجە دەکات بەتایبەتی شێرپەنجەی کۆلۆن و سنگ.
-سوودێکی زۆری بۆ کرداری هەرس هەیە و چارەسەری ئازاری گەدە دەکات.
-یارمەتی دابەزینی ڕێژەی کۆلیستڕۆڵ دەدات.
-ئەو کەسانەی ساوەر زیاتر دەخۆن وەک لە برنج ئەگەری زیادبوونی کێشیان کەمترە.
-یارمەتی تەندروستی دڵ دەدات و لێدانی ڕێکدەخات، هەروەها ڕێگری لە بەرزبوونەوەی پەستانی خوێن دەکات.