بەرزبوونەوەی ڕێژەی کۆلیستڕۆڵ مەترسی توشبوون بە نەخۆشییەکانی دڵ و خوێنبەرەکان زیاددەکات، ئەوەش کاریگەری زۆری لەسەر تەندروستی جەستە دەبێت، سیستمی خۆراکی ڕۆڵێکی گرنگی لە کۆنتڕۆڵکردنی ڕێژەی کۆلیستڕۆڵدا هەیە.
بەپێی ماڵپەڕی”healthy”، خواردنەوەی هەندێک لە جۆرەکانی شیر کۆنتڕۆڵی ڕێژەی کۆلیستڕۆڵ دەکەن، یارمەتی کەمکردنەوەی ڕێژەی کۆلیستڕۆڵی خراپ دەدەن و مەترسی توشبوون بە نەخۆشییەکانی دڵ کەمدەکەنەوە ئەوانیش وەک:
-شیری شۆفان
یارمەتی دابەزینی ڕێژەی کۆلیستڕۆڵی خراپ دەدات، ڕێژەیەکی زۆر ڤیتامین بی تێدایە یارمەتیدەرە لە گۆڕینی خواردن بۆ وزە.
-شیری بادەم
بادەم بەیەکێک لە باشترین چەرەساتەکان بۆ تەندروستی دڵ دادەنرێت، شیری بادەم شیرێکی ڕووەکیە هیچ کۆلیستڕۆڵێکی تێدانییە و دەوڵەمەندە بە ڤیتامین دی ڕێگری لە بەرزبوونەوەی ڕێژەی کۆلیستڕۆڵ و پارێزگاری لە تەندروستی دڵ دەکات.