دامەزراوەی حەمەدی پزیشکی لە قەتەر رایدەگەیێنیت، لەکاتی رۆژووشکاندن پێویستە لە چەند شتێک دووربکەویتەوە کە یەکێک لەوانە‘شەربەتی تۆزە‘.
دامەزراوەی حەمەدی پزیشکی لە قەتەر دەڵێت: شەربەتە ترشەکان و ئەوانەشی کە وەکو تۆزن و دەگیرێنەوە قەدەخەن لەگەڵ رۆژووشکاندندابخورێنەوە، چونکە دەشێت بارگرانی بخەنە سەر جگەر و پەنکریاس، هەروەها کۆئەندامی هەرسیش خاوبکەنەوە.
دامەرزاوەکە روونی دەکاتەوە، شەربەتە تۆزەکان، بڕێکی زۆر لە مادەی پارێزەر و شەکریان تێدایە کە ئەوانیش لێکەوتی مەترسیدار لەسەرجەستە دروستدەکەن بەتایبەت کاتی رۆژووشکاندن.
لە بەشێکی راگەیاندراوەکەی حەمەدی پزیشکی هاتووە کە خۆراکە گازییەکانیش بەهەمان شێوە کێشەی تەندروستی دروستدەکەن و لەوانەنکە نابێت بخورێنەوە لەگەڵ ژەمی بەربانگ.
بە گوێرەی دامەزراوەکە، شەربەتە ترشەکان وەکو ‘شەربەتی لیمۆ و پرتەقاڵ‘ باشترە بە گەدەی بەتاڵ نەخورێنەوە، چونکە بەهەمان شێوەهەرس تێکدەدەن، پێشنیازیش دەکات؛ کاژێرێک بۆ دوو کاژێر دوای بەربانگ بخورێنەوە.
لە کۆتاییدا پسپۆڕانی دامەزراوەکە رێنوێنیی رۆژووەوانان دەکەن، رۆژووەکانیان بە هەندێک خورما و ئاوی شلەتێن بشکێنن و دووربکەونەوەلەو خۆراک و خواردنەوانەی کە کێشەی تەندروستی دروستدەکەن.