تۆوی چیا یەکێکە لەو جۆرانەی بۆ خواردن دەبێت و ئەگەر زیادەڕەوی تێدانەکرێت سوودێکی زۆری بۆ تەندروستی دەبێت، سەرچاوەیەکی سەرەکی کانزا، ڤیتامین و دژەئۆکسانەکانە یارمەتی دابەزینی کێش و تەندروستی دڵ و خوێنبەرەکان دەدات.
تۆوی چیا لەگەڵ ئەوەی سوودێکی زۆری هەیە، بەڵام ئەگەر زیادەڕەوی تێدابکرێت ئەم زیانانەی دەبێت:
-یەکێک لە کاریگەرییە لاوەکیە باوەکانی زیادەڕەویکردن لە خواردنی تۆوی چیا هەستیاریبوونە، کە لەوانەیە پەڵەی بچووک لەسەر پێست دروستببێت.
-دەوڵەمەندە بە ڕیشاڵەکان سوودێکی زۆری بۆ کرداری هەرس هەیە، بەڵام خواردنی ڕێژەیەکی زۆر دەبێتە هۆی دروستبوونی غازات، قەبزی، سکچوون، ئازار و ئاوسانی سک.
-ئەو ڕیشاڵانەی ناوی یارمەتی دابەزینی ڕێژەی شەکری خوێن دەدات، زیادەڕەویکردن تێیدا لەوانەیە ببێتە هۆی دابەزینی بەڕێژەیەکی زۆر و کێشەی تەندروستی لێبکەوێتەوە.
-لەوانەیە ببێتە هۆی هەوکردنی گەروو.
-هەرچەندە بەیەکێک لە باشترین خواردنەکان بۆ دابەزینی کێش دادەنرێت، بەڵام ئەگەر زیادەڕەوی تێدابکرێت لەوانەیە ببێتە هۆی زیادبوونی کێش.