دوای بڵاوبوونەوەی چەند دەنگۆیەک لە تۆڕە کۆمەڵایەتییەکان، سەرچاوە فەرمییەکان لە پارێزگای دیوانیە دەستپێکردنی لێکۆڵینەوەیەکی وردیان لەسەر دۆسیەی دەستدرێژیکردنە سەر ئافرەتێکی بەندکراو لە ناوخۆی گرتووخانەی چاکسازیی ژنان ڕاگەیاند.
بەپێی زانیارییە سەرەتاییەکان، لیژنەیەکی باڵای لێکۆڵینەوە لەلایەن وەزارەتی داد و لایەنە پەیوەندیدارەکانەوە پێکهێنراوە بۆ بەدواداچوونی ڕاستی و دروستی ڕووداوەکە. سەرچاوەیەکی ئاگادار ڕایگەیاند کە ڕێکاری توند بەرامبەر بە هەر سەرپێچییەک دەگیرێتەبەر و ئەنجامەکان بۆ رای گشتی بڵاودەکرێنەوە.
لای خۆشیانەوە، ڕێکخراوەکانی مافی مرۆڤ داوای لێکۆڵینەوەیەکی شەفاف و بێلایەنانە دەکەن بۆ پاراستنی سەلامەتی و کەرامەتی بەندکراوان لەناو ناوەندەکانی چاکسازیدا.
تۆمەتباران: قازی دادگای لێکۆڵینەوەی دیوانیە فەرمانی گرتنی بۆ ئەفسەرێک (بە پلەی نەقێب) و ٣ کارمەندی پۆلیس دەرکردووە.
قوربانییەکە: کچێکی دەستبەسەرکراوی (موقوفە) لەدایکبووی ساڵی ٢٠٠٠ە، کە لە بنکەی پۆلیسی “النهضة” لە ناوەندی دیوانیە ڕووبەڕووی ئەم دەستدرێژییە بووەتەوە.