وەزیری دارایی عێراق، فالح ساری، داواکارییەکی فەرمیی ئاراستەی سەرۆکایەتیی ئەنجومەنی نوێنەران کرد، بۆ میوانداریکردنی لە نزیکترین دانیشتنی پەرلەماندا کە تایبەت بکرێت بە خستنەڕووی دۆخی دارایی و ئابووریی وڵات.
ساری لە ڕاگەیەندراوێکدا، گوتوویەتی، کە داوای میوانداریکردنەکە لە سۆنگەی پەرۆشیی وەزارەتەکەوەیە بۆ خستنەڕووی وێنەیەکی دروست و وردی دۆخی دارایی و ئابووری لە بەردەم نوێنەرانی گەلدا، هەروەها ڕوونکردنەوەی ئەو ڕێکارانەی وەزارەت دەیانگرێتە بەر بۆ دەستەبەرکردنی جێبەجێکردنی پابەندییە سەرەکییەکانی دەوڵەت و بەردەوامبوون لە جێبەجێکردنی بەرنامەکانی چاکسازیی دارایی و کارگێڕی، جگه لە خستنەڕووی دیارترین ئەو ئاڵنگارییانەی ڕووبەڕووی دارایی گشتی دەبنەوە لە سێبەری گۆڕانکارییە هەرێمییەکانی ئێستادا.