سەرچاوەكانی نزیك لە موقتەدا سەدر، رێبەری رەوتی سەدر، ئاشكرایان كردووە، كە سەدرییەكان دەگەڕێنەوە ناو پڕۆسەی سیاسی لە عێراق و نزیكەی دوو مانگە بۆ هاتنەوە ناو مەیدانی سیاسی، كۆبوونەوە دەكەن و بڕیارە پێش هەڵبژاردنی داهاتووی پەرلەمانی عێراق، دەست بە چالاكییە سیاسییەكانیان بكەنەوە.
سەرچاوەیەكی نزیك لە موقتەدا سەدر، بۆ ماڵپەڕی (شەفەق نیوز) ئاشكرای كردووە، سەدرییەكان دەگەڕێنەوە بۆ پڕۆسەی سیاسی لە عێراق و سەرەتا وەزیری رەوتی سەدر، محەمەد ساڵح عێراقی و لە قۆناغەكانی داهاتووشدا سەدر خۆی سەرپەرشتیی قۆناغەكانی گەڕانەوە دەكات و پێش وادەی هەڵبژاردن چالاكییەكانی بزووتنەوەكەی دەست پێدەكاتەوە.