باڵیۆزی ئەمریکا لە عێراق رایگەیاند، بۆ پاراستنی ئارامی ناوچەکە لە هەر مەترسییەک و هێرشی گروپە چەکدارەکان، هەمیشە لەگەڵ عێراقدا دەمێننەوە.
ئەلینا رۆمانۆسکی باڵیۆزی ئەمریکا لە عێراق رایگەیاند، تا ئێستا مەترسی گروپە چەکدارە لەیاسادەرچووەکان لە عێراق ماوە و بۆ پاراستنی سەقامگیری ناوچەکە هەمیشە وەک پاڵپشتییەک لەگەڵ عێراقدا دەمێننەوە.
ئاماژەی بەوەش کردووە ، دەمانەوێت لەگەڵ عێراقدا لە پەیوەندییەکی ئابووری و کولتوری بەهێزدا بین.
دەشڵێت، پێویستە هێزە عێراقییەکان ئەوەندە بەهێز بن کە بتوانن لە داهاتوودا بەرپەرچی هەموو مەترسیییەک بدەنەوە و هەر بۆ ئەو مەبەستەش کۆنگرێس هێزە ئەمنییەکانی لە ناوچەکەدا بەهێزتر کردووە.
ئەوەشی خستووەتە روو، لەم دواییانەدا، سەبارەت بە کۆتاییپێهێنانی کارەکانی هاوپەیمانی نێودەوڵەتی، سوپای باڵای ئەمریکا-عێراق دانوستانیان ئەنجامداوە.