سەرایا سەلام (باڵی سەربازیی ڕەوتی سەدری)، ئەمڕۆ دووشەممە، فەرمانێکی کارگێڕیی دەرکرد بۆ ئەنجامدانی گۆڕانکاری لە سەرکردایەتی هێزەکانیاندا لە شاری سامەڕای سەر بە پارێزگای سەڵاحەدین.
بەپێی بەڵگەنامەیەک کە دەست شەفەق نیوز کەوتووە، یاریدەدەری جیهادیی سەرایا سەلام بڕیاریداوە بە کۆتاییهێنان بە ڕاسپاردنی (مونتەزەر ساحیب ڕەمەزان مووسەوی) لە ئەرکی فەرماندەیی ئۆپەراسیۆنەکانی سامەڕا. لە هەمان کاتدا، (عەلی عەبدوڵڵا لەفتە عەقابی) لە بەرواری دەرچوونی فەرمانەکەوە، وەک فەرماندەی نوێی ئۆپەراسیۆنەکانی سامەڕا دەستنیشان کراوە. بەڵگەنامەکە ئاماژەی بەوە کردووە کە ئەم بڕیارە لە پێناو “بەرژەوەندیی کارەکاندا” دراوە.