zagros news agency

جێگری سه‌رۆكی په‌رله‌مانی عێراق له‌ 36ەمین ساڵیادی کیمیابارانکردنی هەڵەبجە، داوایەک ئاراستەی فراکسیۆنە سیاسییەکانی ناو په‌رله‌مانی عێراق دەکات

جێگری سه‌رۆكی په‌رله‌مانی عێراق، له‌ 36ەمین ساڵیادی کیمیابارانکردنی هەڵەبجە راگەیاندراوێکی بڵاوکردەوە و ئاماژەی بەوە داوە: “لە 16 ئازاری هەموو ساڵێک، بە ئازارێکی زۆرەوە سەرەخۆشی لە گەلی کوردستان و سەرجەم عێراقیە رەسەنەکان و خاوەن هەڵوێستەکان دەکەین لە جیهان.”

دکتۆر شاخەوان عەبدولا جێگری سەرۆکی پەرلەمانی عێراق، ئەوەشی خستووەتە روو: “بەداخەوە، دوای تێپەڕبونی 21 ساڵ بەسەر روخاندنی رژێمی لەناوچوو، حکومەتە یەک لە دوای یەکەکانی عێراق، کاریان نەکردووە بۆ قەرەبوکردنەوەی رۆڵەکانی هەڵەبجەو دادپەروەریکردنیان و نەهێشتنی شوێنەواری تاوانەکان لەسەریان.”

هەروەها جێگری سه‌رۆكی په‌رله‌مانی عێراق راشی گەیاندووە: “داوا لە فراکسیۆنە سیاسیەکان دەکەین، رێکبکەون و لەناو ئەنجومەنی نوێنەران دەنگبدەن، لەسەر پرۆژە یاسای بە پارێزگاکردنی هەڵەبجە، وەک وەفایەک بۆ ڕۆڵە قوربانیدەرەکانی.”

جەختیشی کردووەتەوە: “به‌داخه‌وه‌ جیهان له‌ ئاست كیمیابارانكردنی هه‌ڵه‌بجه‌ بێده‌نگ بوون، كه‌ بووه‌ هۆی‌ شه‌هیدكردنی‌ زیاتر له‌ پێنج هەزار كه‌سی‌ سڤیل و بێتاوان، كه‌ زۆرینه‌یان منداڵ و ئافره‌ت و پیاوانی‌ به‌ساڵاچوو بوون.”

هەواڵی پەیوەندیدار

فوئاد حوسێن: هێزەکانی ئەمەریکا لە عێراقدا ده‌مێننه‌وه‌

یاسین

‎کەشتێکی گەورەی نەوتی عێراق دوای ڕاگرتن لەلایەن هێزە دەریاییەکانی ئەمریکا بەرەو ڤێتنام بەڕێکەوت

گوران

وەزارەتی ناوخۆی عێراق: سنوورەکانی عێراق لەگەڵ سووریا توندوتۆڵ کراون

یاسین