کەشناسی: پلەکانی گەرما بەرز دەبێتەوە

​بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند؛ ئەمڕۆ چوارشەممە 15-07-2026، ئاسمان بە گشتی ساماڵ دەبێت. پلەکانی گەرما نزیک دەبنەوە لە تۆمارکراوەکانی دوێنێ، خێرایی با لەسەرخۆ دەبێت (5-10) کم/ک بە ئاراستەی باکووری ڕۆژهەڵات و لە هەندێک کاتدا چالاک دەبێت بۆ سەرووی 20 کم/ک، مەودای بینینیش لە نێوان (8-9) کم دەبێت.
​سەبارەت بە کەشوهەوای سبەی پێنجشەممە 16-07-2026، ئاسمان بە ساماڵ دەمێنێتەوە؛ پێشبینیش دەکرێت پلەکانی گەرما کەمێک بەرزتر ببنەوە بەراورد بە تۆمارکراوەکانی ئەمڕۆ. خێرایی با مامناوەند دەبێت (10-20) کم/ک بە ئاراستەی باکووری ڕۆژهەڵات، مەودای بینینیش لە نێوان (9-10) کم دەبێت.
​بەرزترین پلەکانی گەرمای پێشبینیکراو بۆ ئەمڕۆ و سبەی:
​هەولێر: ئەمڕۆ 42 | سبەی 43
​سلێمانی: ئەمڕۆ 41 | سبەی 42
​دهۆک: ئەمڕۆ 42 | سبەی 43
​هەڵەبجە: ئەمڕۆ 44 | سبەی 44
​گەرمیان: ئەمڕۆ 47 | سبەی 47
​زاخۆ: ئەمڕۆ 43 | سبەی 43
​چەمچەماڵ: ئەمڕۆ 43 | سبەی 44
​ئاکرێ: ئەمڕۆ 43 | سبەی 43
​پیرمام: ئەمڕۆ 39 | سبەی 40
​حاجی ئۆمەران: ئەمڕۆ 33 | سبەی 33