بەڕێوبەرایەتیی گشتیی وەبەرهێنان لە دهۆک ڕایگەیاند کە پڕۆژەیەکی نوێی گەشتیاریی ستراتیژی لە ناوچەکە جێبەجێ دەکرێت، کە ئەویش دروستکردنی تەلەفریکە لەسەر چیای گارە لە دەڤەری سەرسەنگ.
ئەم پڕۆژەیە لەلایەن کۆمپانیایەکی نەمساییەوە بە هەماهەنگی و هاوبەشی لەگەڵ کۆمپانیایەکی خۆماڵیی (ناوخۆیی) ئەنجام دەدرێت، کە ئامانج لێی پێشخستنی کەرتی گەشتیاری و گەشەپێدانی ناوچەکەیە.
بودجەی تەرخانکراو بۆ دروستکردنی ئەم تەلەفریکە دەگاتە ٢٥ ملیۆن دۆلار، و چاوەڕوان دەکرێت بە تەواوبوونی، سەرنجی ژمارەیەکی زۆر لە گەشتیارانی ناوخۆ و دەرەوە بۆ لای خۆی ڕابکێشێت و ئابووریی دەڤەرەکە ببووژێنێتەوە.