بەڕێوەبەرایەتی گشتی کەشناسی و بوومەلەرزەزانی هەرێم ڕایگەیاند؛ ئەمڕۆ یەکشەممە 19-07-2026، ئاسمان بە گشتی ساماڵ دەبێت. پلەکانی گەرما بەراورد بە دوێنێ کەمێک نزم دەبنەوە، خێرایی با لەسەرخۆ دەبێت (5-10) کم/ک بە ئاراستەی باکووری ڕۆژهەڵات و لە هەندێک کاتدا چالاک دەبێت بۆ سەرووی 20 کم/ک، مەودای بینینیش لە نێوان (8-9) کم دەبێت.
کەشوهەوای سبەی دووشەممە 20-07-2026، ئاسمان بە ساماڵی دەمێنێتەوە؛ پێشبینیش دەکرێت پلەکانی گەرما لە زۆربەی ناوچەکان جێگیر بن و لە هەندێک ناوچەی تریش کەمێک ڕوو لە بەرزبوونەوە بکەن. خێرایی با مامناوەند دەبێت (10-20) کم/ک بە ئاراستەی باکووری ڕۆژهەڵات، مەودای بینینیش لە نێوان (9-10) کم دەبێت.
بەرزترین پلەکانی گەرمای پێشبینیکراو بۆ ئەمڕۆ و سبەی:
هەولێر: ئەمڕۆ 42 | سبەی 42
سلێمانی: ئەمڕۆ 41 | سبەی 41
دهۆک: ئەمڕۆ 40 | سبەی 42
هەڵەبجە: ئەمڕۆ 44 | سبەی 44
گەرمیان: ئەمڕۆ 46 | سبەی 46
زاخۆ: ئەمڕۆ 41 | سبەی 43
چەمچەماڵ: ئەمڕۆ 42 | سبەی 42
ئاکرێ: ئەمڕۆ 41 | سبەی 42
پیرمام: ئەمڕۆ 37 | سبەی 37
حاجی ئۆمەران: ئەمڕۆ 31 | سبەی 31