ئەمڕۆ چوارشەممە 22ی تەمموزی 2026، بەڕێز فارس عیسا سهرۆكى نوێنەرایەتی حکومەتی هەرێمی کوردستان لە بەغدا، پێشوازیکرد لە بەڕێز “محەمەد ئەلحافز” سەرۆکی ئەنجومەنی پارێزگای کەرکوک، وشاندێكى ياوهرى پێكهاتوو له نوێنەری لایەنە سیاسییەکانی پەیوەست بە وەرزش.
لە میانی دیدارەکەدا، باسیان لە بارودۆخی سیاسی گشتی وڵات کرد، بەتایبەتی لە پارێزگای کەرکوک، و هەروەها ڕێگاکانی پاراستن و پتەوکردنی پێکەوەژیانی ئاشتیانە لەنێوان پێکهاتە جیاجیاکانی پارێزگاکەدا.
هەروەها هەردوولا، باسیان لە دیارترین ئاستەنگ و ناکۆکییە سیاسییەکان کرد لە پارێزگای کەرکوک، و ڕێگاکانی ڕووبەڕووبوونەوەیان لە ڕێگەی دیالۆگ و لێکتێگەیشتن، بە شێوەیەک کە خزمەت بە بەرژەوەندی گشتی بکات و سەقامگیری بپارێزێت.
لە کۆتایی کۆبوونەوەکەدا، شاندی ميوان دەستخۆشییان لە هەوڵەکانی نوێنەرایەتی حکومەتی هەرێمی کوردستان کرد، لە پتەوکردنی هاوکاری و هەماهەنگی نێوان وەزارەت و دامودەزگاکانی حکومەتی فیدراڵی و حکومەتی هەرێمی کوردستان، کە هاوکارە لە چەسپاندنی هاوبەشی و خزمەتکردنی بهرژهوهندى گشتى.