پڕۆژەی سایلۆی کەلار بە تێچووی ۲۱ ملیار دینار دروستکراوە و توانای عەمبارکردنی ٤۰ هەزار تۆن دانەوێڵەی هەیە، کە سەرجەم گەنمی جووتیارانی سنووری ئیدارەی سەربەخۆی گەرمیان لە وەرزی دروێنەدا وەردەگرێت.
جووتیارانی ناوچەکە دەستخۆشی لە دروستکردنی ئەم پڕۆژە هاوچەرخە دەکەن و بە ژێرخانێکی گرنگی کەرتی کشتوکاڵی دەزانن، بە جۆرێک جووتیارێکی گەرمیان ئاماژەی بەوە کرد ئەگەر ئەم سایلۆیە نەبووایە، ئەنجامدانی کاری جووتیاری لە ناوچەکەدا ڕووبەڕووی ئاستەنگی جدی دەبووەوە.