ئەندامێکی ئەنجومەنی نوێنەرانی عێراق لە فراکسیۆنی پارتی دیموکراتی کوردستان رایگەیاند، کە لەگەل ژمارەیەک لە ئەندامانی ئەنجومەنی نوێنەرانی عێراق، سەردانی گوندی پەڵکانەمان کرد، خۆشبەختانە گەیشتینە چارەسەرێک.
نەجوا کاکەیی، ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان، بە ئاژانسی ھەوالی زاگرۆسی راگەیاند: بۆ بەدەنگەوە چوونی جوتیاران و دانیشتوانی ناوچەی پەڵکانە، بەیاوەری دکتۆر شاخەوان عەبدولڵا و ژمارەیەک لە ئەندامانی ئەنجومەنی نوێنەرانی عێراق، سەردانی گوندی پەڵکانەمان کرد.
هەروەها نەجوا کاکەیی، ئەندامی ئەنجومەنی نوێنەرانی عێراق لە فراکسیۆنی پارتی دیموکراتی کوردستان ئەوەشی بۆ ئاژانسی ھەوالی زاگرۆس خستەروو، کە دوای گفتوگۆیەکی زۆر و تێگەیشتن لە کێشەکان و بیستنی قسەکانی هەردوولا، خۆشبەختانە گەیشتینە چارەسەرێک و جوتیارەکان ئەمرۆ توانیان بەرهەمەکانیان بدورنەوە.
رێباز یونس