ئەڤرو رۆژا چارشەمبی د.عەلی تەتەر ” پارێزگارێ دھۆکێ پێشوازیا گەنجێ چیاڤان ” دادڤان عسمەت یوسف” کر و دھەڤدیتنەکێدا بەحسێ ھەوڵ وزەحمەتا چیاڤانی کێشای ھەتا شیای بگەھیتە گوپیتکا ئێڤرست ل سەر چیایێ ھێمەڵایا وبلندکرنا ئاڵایێ کوردستانێ ل سەر گوپیتکا وی چیایی ھاتە کرن
پارێزگارێ دھۆکێ دەستخوشی ل چیاڤان “دادڤان عسمەت یوسف” کر وئەو زەحمەتا وی کێشای وھەتا گەھشتیە گوپیتکا ئێڤرست وئالایێ کوردستانێ ل سەر بلندکری وگوت: ئەڤ ھەولدانە جھێ سەرفرازی وسەربلندیێ یە بۆ خەلکێ پارێزگەھێ وھەموو کوردستانێ وداخازا سەرکەفتنێ بۆ ناڤبری دھەموو وارێن ژیانێدا کر وپشتەڤانیا پارێزگەھێ نیشان دا بۆ ڤان جورە چالاکیێن وەرزشی
ھەژی گوتنێ یە چیاڤان “دادڤان عسمەت یوسف” خەلکێ گوندێ زرێزەی یە ل دەڤەرا گولی یا و ل رێکەفتی ٢٠-٥-٢٠٢٤ شیا بگەھیتە گوپیتکا ئێڤرست ل چیایێ ھێمەڵایا کو بلندترین چیایە ل جیھانێ وئاڵایێ کوردستانێ ل سەر بلندبکەت.