بەڕێوەبەری بە بازاڕكردنی گەشتیاری هەرێمی كوردستان، رایدەگەیەنێت، 400 هەزار گەشتیار روویان لە هەرێمی كوردستان كردووە، پلانیان ئەوەیە ئەمساڵ ژمارەی گەشتیاران بگاتە 10 ملیۆن گەشتیار.
سیروان تۆفیق، بەڕێوەبەری بە بازاڕكردنی گەشتیاری هەرێمی كوردستان، رایگەیاندووە، لە جەژنی قورباندا، 400 هەزار گەشتیار روویان لە هەرێمی كوردستان كردووە.
روونی دەكاتەوە، هەوڵی حكوومەتی هەرێمی كوردستان بۆ ئەوەیە ژمارەی گەشتیاران لەم ساڵدا، بۆ 10 ملیۆن گەشتیار بەرز بكاتەوە.
هاوكات حكوومەتی هەرێمی كوردستان، پلانێكی هەشت ساڵەی بۆ پەرەپێدانی ژێرخانی كەرتی گەشتیاری داناوە، بۆ ئەوەی لە تەواوی هەرێمی كوردستان سەرنجی وەبەرهێنەران راكێشێت، وەبەرهێنان لەو كەرتە بكەن.