زیاتر لە مانگێکە لە گوندی ئێنەی دەڤەری باڵەکایەتی کچێکی تەمەن 14 ساڵان بەناوی مەریەم ئیسماعیل، کەوتووەتە نێو رووبار و تا ئێستا چارەنووسی نادیارە، ماوەی 10 رۆژیشە منداڵێکی تەمەن دوو ساڵان بەناوی دارین گەیلان، کەوتووەتە نێو ئاوی بێخاڵ و تا ئێستا چارەنووسی ئەویش نادیارە.
رائید ڕەوەند هاودیانی، وتەبێژی بەڕێوەبەرایەتی بەرگری شارستانی سۆران، بە ئاژانسی هەواڵی زاگرۆسی راگەیاند: رۆژانە تیمەکانمانمان سەرقاڵی گەڕانن بەدوای دۆزینەوەی تەرمی ئەو دوو منداڵە.
هەروەها رائید ڕەوەند هاودیانی، وتەبێژی بەڕێوەبەرایەتی بەرگری شارستانی سۆران ئەوەشی ئاژانسی هەواڵی زاگرۆس خستەروو، کە خێرای ئاو و بچووکی تەرمەکان ئەرکی تیمەکانیان قورس کردووە، بەردەوامیش دەبین تا چارەنووسیان یەکلا دەکەینەوە.
رێباز یونس