وتەبێژی بەرێوەبەرایەتی تەندروستیی پارێزگای دهۆک رایگەیاند، کە نەخۆشخانەیەکی نوێی فریاکەتن لە دهۆک دروستکرا، باڵەخانەی نەخۆشخانە کۆنەکە نۆژەن دەکرێتەوە و تایبەت دەکرێت بە چارەسەرکردنی تووشبووانی شێرپەنجە.
مەتین جەمیل، وتەبێژی بەرێوەبەرایەتی تەندروستیی پارێزگای دهۆک، بە ئاژانسی هەواڵی زاگرۆسی راگەیاند: بە سێ قۆناغ کارکردن لە نەخۆشخانەی کۆنی فریاکەوتنی دهۆک بەردەوامی هەیە، بودجەی تەواویشی بۆ تەرخانکراوە و هەموو هەولێک دەدەن بەزووترین کات نەخۆشخانە نوێیەکە تەواو بکەن.
وتەبێژی بەرێوەبەرایەتی تەندروستیی پارێزگای دهۆک گووتی: نەخۆشخانەکە سەرجەم بەش و پێداویستییە پزیشیکییەکانی وەک دەرمان و ئامێرەکان لەخۆ دەگرێت.
هەروەها مەتین جەمیل، وتەبێژی بەرێوەبەرایەتی تەندروستیی پارێزگای دهۆک ئەوەشی بۆ ئاژانسی هەواڵی زاگرۆس خستەروو، کە بە کردنەوەی نەخۆشخانەکە، ئیدی پێویست ناکات تووشبووان بۆ مانەوە و پشکینن و وەرگرتنی چارەسەر ڕوو لە شارەکانی دیکەی هەرێمی کوردستان بکەن.
رێباز یونس