سبەهی ل جڤاتا وه‌زیرێن حوكمه‌تا عێراقا فیدرال كۆمبوونه‌كا گرنگ دناڤبه‌را لیژنا دارایى ل په‌رله‌مانى و جڤاتا وه‌زیرێن عێراقا فیدرال بهێته ئه‌نجامدان، و گه‌نگه‌شه ل سه‌ر چه‌ندین ته‌وه‌رێن گرێدایى كێشه و گرفتێن دارایى و ئابوورى و ره‌وشا ژین و ژیارا خه‌لكى بهێنه به‌حسكرن.
د.خه‌لیل غازى دۆسكى، ئه‌ندامێ لیژنا دارایى ل جڤاتا نوینه‌رێن عێراقێ، ب ئاژانسا نوچەیا زاگرۆس راگەھاند: سوباهى رۆژا سێ شه‌مبی 13/8/2024 ل ئاڤاهیێ ئه‌نجوومه‌نێ وه‌زیران، لژنا دارایى ل په‌رله‌مانێ ئیراقێ دێ ل گه‌ل جڤاتا وه‌زیران كومبیت و ب به‌رهه‌ڤبوونا هه‌ر ئێك ژ جێگرێ سه‌رۆك وه‌زیران و وه‌زیرێن دارایى، پلاندانانێ، په‌ترۆلێ، پارێزگارێ بانكا ناڤه‌ندى و زێده‌بارى چه‌ندین وه‌زیرێن په‌یوه‌ندار ل حوكمه‌تا فیدرال.
د.خه‌لیل غازى دۆسكى، ئه‌ندامێ لیژنا دارایى ل جڤاتا نوینه‌رێن عێراقێ ئه‌و ژى بۆ ئاژانسا نوچەیا زاگرۆس دیاركر كو مه‌ره‌م ژ ئه‌نجامدانا كومبوونا سوبه گه‌نگه‌شه‌كرنه ل سه‌ر چه‌ندین ته‌وه‌رێن گرێدایى ره‌وشا دارایى و ئابوورى و ژین و ژیارا خه‌لكێ عێراقێ بگشتى و ژ بابه‌تێن سه‌ره‌كیێن سوبه بهێنه گه‌نگشه‌كرن، پاره‌دانا پارێزگه‌ها، پاره‌دانا بۆدجێ، پاره‌دانا پرۆژان و پاره‌دانا مووچان، و هه‌بوون و ئاریشێن گرێدایى سیولێ و نزمبوونا بهایێ دینارى به‌رامبه‌ر دولارى و جێبه‌جێكرنا بۆدجێ ب شێوه‌كێ گشتى ل سه‌رانسه‌رى عێراقێ.
رێباز یونس