بەربژێرەکا پارتی ل بازنا دهۆکێ راگەهاند: 78سالە پارتی خزمەتێ و خەباتێ دکەت بۆ کورد و کوردستانێ پارستانا قەوارێ هەرێما کوردستانێ ئەم وەک بەربژێرێن پارتی دێ لسەر ڤێ رێبازێ بەردەوام بین چۆنکە دڤی دەمی دا کوردستان پێتڤی پارتی و بارزانی یە زێدەتری هەر دەمەکێ دی.
هێلین عەبدوڵڵا بەرواری بەربژێرا ژمارە 8 لسەر لیستا 190یا پارتی دیموکراتی کوردستان ل بازنا دهۆک راگەهاند: من خو بەربژێرکریە بۆ درێژەدان ب رێبازا پیرۆزا پارتی و بارزانی، کو هەردەم خو ل گەلێ کورد کریە خودان ل خۆشی و نەخۆشیا، هەر بۆیە مە دفێت بچینە ناڤ هولا پەرلەمانی کوردستانێ و ل رێکا پەرڵەمانی خزمەتا خەڵکێ خۆ بکەین و ببینە نوێنەرێن خەلکێ خۆڕاگرێ کوردستانێ و داکوکیێ ل مافێن وان بکەین.
بەرواری زێدەتر گۆت: دێ کارکەم ژ بوی گرێدانێ د ناڤ بەرا ڤان سێ کەرتادا جێکەم کەرتێ کشتوکاڵ بەرهەمێن خۆمالی کو بیتە کەرستەکێ سەرەکی و بجیتە ناڤ کارگەهێن پیشەسازی دا و بهێنە بازارکرن و بەڵافکرنا دناڤ بازارێن ناڤخۆ یان بازارێت دەرڤە دا برێکا هاوەردەکرنی بۆ دەرڤەی وەلاتی بازارکرنا وان بەرهەمان کەرتێ گەشتوگۆزاری دا دەلیفێن کاری بۆ گەنج و لاوێن دەرچوی ل زانکۆ و پەیمانگەها زێدەبن.
بەربژێرا ژمارە 8لسەر لیستا 190یا پارتی ل بازنا دهۆکێ دیارکر: 78سالە پارتی خزمەتێ و خەباتێ دکەت بۆ کورد و کوردستانێ پارستانا و قەوارێ هەرێما کوردستانێ ئەم وەک بەربژێرێن پارتی دێ لسەر ڤێ رێبازێ بەردەوام بین چۆنکە دڤی بارودووخێ خراپ یێ نوکە کوردستان تێدا دەرباز دبیت زێدەتر ژ هەر دەمەکێ دی کوردستان پێتڤی پارتی و سەرۆک بارزانی بۆ پارستنا هەرێما کوردستانێ ژ وان دەستێن دژایەتیا ناڤخۆی و دەرڤە.