بەربژێرەکا ليستا 190 يا پارتی ل بازنا دھۆکێ راگەھاند: پروژە و بەرنامێ من کو من دڤێت لسەر کاربکەم ئەوە پەيداکرناو رەخساندنا دەليڤێن کاری يە بۆ گەنجان و ھەروەسا مسوگەر کرنا مافێن فەرمانبەران.
د.کوردستان مەلا تاهر دوسکی بەربژێرا ژمارە 40لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: پروژە و بەرنامێ من پەیدا کرنا دەلیفێن کاری بۆ گەنجان و مسۆگەر کرنا مافێن فەرمانبەرا، هەروەسا کارکرن بۆ ھەبونا خێزانەکا ساخلەمە چونکی خێزان بنچينەيە و ئەگەر خێزان يا ساخلەم بيت وی دەمی دێ مە جڤاکەکێ ساخلەم مە ھەبيت و دێ ب ئارامي ژين.
دوسکی زێدەتر گۆت: کەرتێ پەروەردە و زانينێ ژی دێ ئێک ژ پلان و بەرنامە و کارێن من یێت سەرەکی بيت و خالێن لاواز بھێز ئێخين و يێن بھێز دێ ب ھێزتر لێ کەين، ھاريکاری و پشتەڤانيا وەرزشفانا و دابينکرن و دروستکرنا جھێن وەرزشی و گەھاندنا گلە و گازندێن وان بۆ دەستھەلاتێ.
د.کوردستان دۆسکی بەربژێرا ژمارە 40لسەر لیستا 190یا پارتی دیارکر: ئەز وەک کچەکا دەڤەرێن چيای و کشتوکاڵی ژ کارێن من دێ ئەوبيت پالپشتی و پشتەڤانی بۆ جوتياران بکەم بۆ ھندێ کەرتێ کشتوکاڵی و چاندنێ پێش بکەڤيت و ببيتە ئەگەرێ ھندێ گەلەک ژ ئاريشێن مە پێ چارەسەر ببن وەکی پەيداکرنا دەليڤێن کاری و ھەبونا بەرھەمێن خومالی و ھنارتنا وان بۆ دەرڤەی وەلاتی و ھەروەسا دێ ب ڤێ چەندێ د سەرفەراز بين و ئابورەکێ بھێز دێ مە ھەبيت.