فاتما سلێڤانەی راگەهاند: ئافره‌ت دشێت رۆله‌كێ باش د ڤێ پرۆسه‌یا هەلبژارتناندا بگێڕیت و به‌ڕه‌ڤانى ژمافێ ملله‌تێ كورد ب گشتى و ئافره‌تێ ب تایبه‌تى بكه‌ت.
فاتما ئه‌حمه‌د سلێڤانه‌ى، به‌ربژارا هه‌ژمارە 35 لیستا 190 یا پارتى دیموكراتى كوردستان ل بازنه‌یێ دهۆك بۆ ئاژانسا هەواڵی زاگرۆس دیار كر، دێ كار ل سه‌ر وان پرۆژه‌یان کەم ئه‌وێن خزمه‌تا جڤاکی دکەن بگشتى ، ب تایبه‌ت ژى یێن گرێدایى ژیارا خه‌لكیڤە، هه‌روه‌سا وان روتینێن گریدایى كارێ دادگه‌هێ ڤه كو ئاسته‌نگان بۆ وه‌لاتیان په‌یدا دكه‌ن، دێ ل سه‌ر یاسایا دادگه‌هێ و راستڤه‌كرنا وێ كاركه‌م.
هەروەسا گۆتژی ، ژبۆ هندێ خه‌لكێ مه بشێوه‌یه‌كێ ئاسانتر بشێن به‌ڕه‌ڤانیێ ژ مافێن خۆ به‌رامبه‌رى دادگه‌هێ بكه‌ت دێ ل سه‌ر پرۆژه یاسایا كارى ژى كاركه‌ین ژ بۆ ده‌سته‌به‌ركرنا مافێن كرێكاران و جڤاكى.
سلێڤانه‌ى ئه‌و چه‌نده ژى دیار كر،داكو بشێن خێزانا كوردى بپارێزین و ببینه پره‌ك بۆ چاره‌سه‌ركرنا ئاریشه‌یێن وان ب رێكا دانانا یاسایێن تایبه‌ت گەلەکا گرنگه ئافره‌تا كورد دپرۆسه‌یا هه‌لبژارتنان دا پشكدار ببیت و ببیته نینه‌رێ خەلکێخو د په‌رله‌مانێ كوردستانێ دا، و هەروەسا یا خویایە کۆ ئافره‌ت دشێت رۆله‌كێ باش د ڤێ پرۆسه‌یێ دا بگێڕیت و به‌ڕه‌ڤانى ژمافێ ملله‌تێ كورد ب گشتى و ئافره‌تێ ب تایبه‌تى بكه‌ت.
بەربژێرا هەژمارە 35 ل دووماهى گۆت: هه‌كه بوومه جهێ باوه‌ریا خه‌لكێ خۆ دێ ب مه فاكته‌ره‌كا كارا بۆ پشته‌ڤانیكرنا وان به‌رنامه‌یێن پارتا مه پارتى دیموكراتى كوردستان داناین كو ژ كومه‌كا به‌رنامه‌یێن گرنگ پێكدهێن و هه‌موو د به‌رژه‌وه‌ندیا خه‌لكێ كوردستانێ دانه، له‌ورا داخوازێ ژ جه‌ماوه‌رێ كوردستانێ ب گشتى و یێ پارێزگه‌ها دهۆكێ ب تایبه‌تى دكه‌م ده‌نگێ خۆ بده‌نه لیستا 190 یا پارتى دیموكراتى كوردستان داكو هین بشێن باشه‌رۆژا خۆ مسۆگه‌ر بكەن.