بەربژێرێ ژمارە 19لسەر لیستا 190یا پارتی ل بازنا دهۆکێ راگەهاند: بەرنامەیێ من گرێدای پەیام و بەرنامەیێ لیستا 190یا پارتی دیموکراتی کوردستانە، لژێر درویشمێ ( ئارامی و ئاڤەدانی ، پێکڤەیی و خوەڕاگری ) چونکی ئەز بەربژێرا پارتیمە دێ لسەر ڤان خالان کارکەم.
دلفین شمال ئاکرەیی بەبژێرا ژمارە 19لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: ئەم وەکو بەربژێرێن پارتی دێ کارکەين ژبوی بجھ ئينانا پلان و بەرنامێن حزب و سەروکێ خو دێ بەرەڤانيێ ل مافێن رەوا يێن گەلێ خو بين، دێ کارکەم ژ بۆ زێدەتر گرنگی دان ب تەخا رەوشەنبير و زانا و هەروەسا ئاسایشا خوراکی و پاراستنا خێزانێ و گرنگی دان ب پەروەردێ و خاندنا بلند بۆ ھندێ زانست و زانين ل ھەرێما کوردستانێ زێدەتر و باشتر بەرەف پێش بچيت.
ئاکرەیی گۆت: پارتی گرنگی ب ئافرەتا کوردایە و تاکە حزبە هەتا نها گرنگیەکا زور ب ئافرەتان دایە ج لسەر دەمی شوڕەشان چ لسەر دەمێ راپەرینێ و پشتی راپەرینێ و هەتا نها هەمی قوناغ ڤیایە ئافرەتا کورد روڵەکێ پێش چاڤ و سەرەکی هەبت.
دلفین ئاکرەیی بەربژێرا ژمارە 19لسەر لیستا 190یا پارتی ل بازنا دهۆکێ زێدەتر گۆت: داخازێ ژ خەلکێ خويێ خوشتڤی دکەم ل روژا دەنگدانێ ھەمي بچنە سەر سندوقێن دەنگدانێ و دەنگ بدەنە ليستا 190 يا پارتی و وان کەسێن خودان شيان بھەلبژێرن و فرێکەنە پەرلەمانێ کوردستانێ دا بشێن مافێن وان بو دابين بکەن و پاشە روژا وان مسوگەر بکەن.