وزارەتی بەرگریی تورکیا لە بەیاننامەیەکدا بڵاوی کردەوە، هێزی چەکداری ئەم وڵاتە وەک ئەوان دەڵێن ” بۆ لەنێوبردنی تیرۆریستان” لە حەشارگەکانیاندا درێژە به هەڵمەتەکانیان دەدەن.
لە بەیاننامەی سوپای تورکیادا هاتووە لە هەڵمەتێکدا لە سەر سنووری نێوان هەرێمی کوردستان و تورکیا سێ چەکداری پەکەکە کوژراون.
سوپای تورکیا لە ناوچە سنووریەکانی هەرێمی کوردستان، ئەو ناوچانەی بەشیکی زۆری گوند و كێڵگە کشتوکاڵییەکانیان بە هۆی بوونی چەکدارانی پەکەکە چۆڵکراون، هێرش دەکاتە سەر ئەم چەکدارانە.
بەهۆی هێرشە پەیتاپەیتاکانی تورکیا لە سەر ئەم سنوورانە زۆر جار دانیشتوانی گوند و ئاوەدانیەکانی هەرێمی کوردستانیش تووشی زیانی گیانی و مادی دەبن.