zagros news agency

سەدان ئاوارەی باکووری کەرتی غەززە دەگەڕێنەوە سەر ماڵی خۆیان

 

دوای کشانەوەی هێزەکانی ئیسرائیل لەبەرەی نەتساریم، هەزاران ئاوارەی فەڵەستینی گەڕانەوە بۆ باکووری کەرتی غەززە، هاوکات تیمەکانی ‘ئەمبولانس’ فریاکەوتن لە شەقامی ڕەشید بڵاوبوونەوە بۆ پێشوازیکردن لە ئاوارە گەڕاوەکان.

سوپای ئیسرائیل و وەزارەتی ناوخۆی غەززە کە سەر بە حەماسە، ڕایانگەیاند، لە کاتژمێر 7ـی بەیانی ئەمڕۆ دووشەممە27-1- 2025، هەردوو ئاراستەی ڕێگەی شەقامی ڕەشید بەرووی ئاوارەکاندا کراوەتەوە.

سەبارەت بە جووڵەی ئۆتۆمبێل، سوپای ئیسرائیل ڕایگەیاندووە، “دوای پشکنین ڕێگەیان پێدەدەن لە ڕێگەی سەڵاحەدینەوە بەرەو باکووری کەرتی غەززە بڕۆن.”

سوپای ئیسرائیل، جەختی کردەوە، نزیکبوونەوە لە ناوچەی دەروازەی ڕەفەح و ناوچەی فیلادلفیا لە باشووری کەرتی غەززە قەدەغەیە.

سوپای ئیسرائیل هێزەکانی لە بەشی ڕۆژئاوای بەرەی نەتساریم کشاندەوە بەمەبەستی ڕێگەدان بە گەڕانەوەی هاووڵاتیانی ئاوارەبووی غەززە بۆ سەر ماڵ و حاڵی خۆیان لە باکووری کەرتی غەززە.

هەواڵی پەیوەندیدار

سه‌رۆكی فه‌رمانگه‌ی یاسایی پارتی بۆ زاگرۆس هۆكاری هه‌ڵوه‌شانه‌وه‌ی دادگای فیدرالی ده‌خاته‌روو

سەڵاح

هیومان ڕایتس وۆچ: سەرکۆماری عێراق بە خواستی میلیشیا و هێزە سیاسییە تاکڕەوەکان كار دەكات

سەڵاح

هیومان ڕایتس وۆچ: تاڵیبان شەش چالاکوانی مافەکانی ژنانی بێسەروشوێن کردووە

سەڵاح