ئەمڕۆ چوارشەممە رێکەوتی ٦ی ٣ی۲۰۲٤،”ئالان حەمەسەعید ساڵح” وەزیری پەروەردەی حکومەتی هەرێمی کوردستان، بەئامادەبوونی بەڕێزان دکتۆر “عەلی تەتەر” پارێزگاری دهۆک، و قائیمقامی قەزای بەردەڕەش و بەرێوەبەری گشتیی پەروەردەی دهۆک و بەرێوەبەری پەروەردەی بەردەڕەش، دوو قوتابخانەی نوێی (۱۲) پۆلی لەسنووری قەزای بەردەڕەش کردەوە.
دوای کردنەوەی قوتابخانهكه، هەریەک لە وەزیری پەروەردە و پارێزگاری دهۆک یەکە یەکە ژوور و هۆڵەکانی خوێندنی قوتابیان و بەشەکانی تری قوتابخانەکەیان بەسەر کردەوە دواتر لە نزیکەوە گوێبیستی ڕاو و پێشنیاری بەڕێوەبەر و مامۆستایان بوون.
شایەنی باسە هەردوو قوتابخانەکە لەسەر بودجەی حکومەتی هەرێمی کوردستان و بودجەی پەرەپێدانی پارێزگای دهۆک بە گوژمەی (١،٠٠٦،٣٠٦،٠٠٠) یەک ملیار و شەش ملیۆن و سێسەد و شەش هەزار دینار، خرایە بواری خزمەت بۆ مامۆستایان و قوتابیانی دەڤەرەکە.